नागपूर : नागपूर महापालिकेच्या प्रभाग क्रमांक आठच्या भारतीय जनता पक्षाच्या नगरसेविका मनीषा काशीकर यांनी गेल्या काही दिवसांत प्रभागातील अनेक कामे मार्गी लावली व अनेक उपक्रम राबवले. त्यामध्ये रस्त्याचे भूमिपूजन, मातृदिनानिमित्त आयोजित कार्यक्रमामध्ये महिलांना शुभेच्छा, सारीकाबाद कॉलनी आणि आरएमएस कॉलनी येथे रस्त्याचे डांबरीकरण, गोरेवाडा बुद्धविहार येथे धम्मचक्र प्रवर्तक दिनानिमित्त कार्यक्रम या उपक्रमांचा समावेश आहे. याशिवाय त्यांनी गोरेवाडा येथे वृक्षारोपण केले व पिली नदीची सफाई करण्याचे कामही नुकतेच केले आहे.